Si ta listoni pronën tuaj falas në Traloa

Si funksionon

Plotësoni aplikimin me të dhënat e pronës. Nuk krijohet llogari në atë moment: aplikimi shqyrtohet nga ekipi përpara se prona të publikohet, sepse çdo pronë e listuar përfaqëson të gjithë tregun.

Pas miratimit merrni akses për të menaxhuar dhomat, çmimet dhe kalendarin. Disponueshmëria që shohin mysafirët vjen direkt nga ju — nuk ka kopje të vjetëruar.

Mysafiri rezervon në Traloa dhe ju e prisni në pronë. Konfirmimi shkon te të dyja palët.

Çfarë ju duhet përpara se të aplikoni

Emrin dhe adresën e saktë të pronës, tipet e dhomave ose njësive që jepni me qera, çmimet, foto të mira dhe kushtet tuaja të anullimit.

Fotot janë pjesa që vendos më shumë. Një pronë me foto të qarta të dhomës, banjës dhe pamjes shitet dukshëm më mirë se e njëjta pronë me dy foto të errëta.

Nëse nuk i keni ende të gjitha, aplikoni gjithsesi — mungesat plotësohen përpara publikimit.

Sa kushton

Listimi është falas: pa tarifë mujore, pa abonim dhe pa kosto fillestare. Nuk paguani asgjë për të qenë i pranishëm në Traloa.

Paguani vetëm komision mbi rezervimet që ju sjell Traloa, dhe ai është më i ulët se komisionet e OTA-ve ndërkombëtare. Nëse nuk vjen asnjë rezervim, nuk paguani asgjë.

Çfarë nuk është Traloa

Traloa është kanal shitjeje, jo program menaxhimi hoteli. Ju jep dukshmëri dhe rezervime — nuk e zëvendëson recepsionin, POS-in apo kontabilitetin tuaj.

Detyrimet tuaja ligjore dhe fiskale si biznes mbeten tuajat. Traloa nuk i merr përsipër dhe nuk i zëvendëson ato.

Traloa nuk është ekskluziv. Mund të vazhdoni të listoni edhe në kanale të tjera njëkohësisht.

Kur prona rritet

Nëse recepsioni, POS-i i restorantit, magazina dhe fiskalizimi ju janë shpërndarë në tabela dhe programe të veçanta, ajo është një nevojë tjetër nga listimi — dhe zgjidhet me një sistem menaxhimi, jo me një kanal shitjeje.

BESA OS është sistemi i menaxhimit për hotele dhe resorte që ndërtojmë ne: recepsion, POS për restorant e bar, housekeeping, magazinë, arkë, fiskalizim dhe kontabilitet në një platformë të vetme.

Nuk është kusht. Listimi në Traloa mbetet falas dhe i pavarur nga sistemi që përdorni — mjaft prona të listuara nuk përdorin asnjë nga produktet tona, dhe kjo nuk ndryshon asgjë për to.

Pyetje të shpeshta

Sa kushton të listoj pronën në Traloa?

Listimi është falas — pa tarifë mujore dhe pa kosto fillestare. Paguani vetëm komision për rezervimet që ju sjell Traloa, më i ulët se OTA-të ndërkombëtare.

A më duhet të blej ndonjë program për t'u listuar?

Jo. Listimi nuk kërkon asnjë program dhe nuk kërkon të përdorni ndonjë sistem tjetër tonin. Prona juaj mund të jetë në Traloa pa blerë asgjë.

Sa zgjat derisa prona të publikohet?

Aplikimi shqyrtohet nga ekipi përpara publikimit. Koha varet nga sa të plota janë të dhënat dhe fotot që dërgoni — një aplikim i plotë ecën më shpejt.

Çfarë lloj pronash pranohen?

Hotele, resorte, bujtina, vila dhe apartamente me qera. Nëse jepni njësi me qera për qëndrime turistike, prona juaj hyn.

A mund të listoj njëkohësisht edhe në OTA të tjera?

Po. Traloa është kanal shtesë, jo ekskluziv. Shumica e pronave i mbajnë të dyja dhe e ulin gradualisht varësinë nga një kanal i vetëm.

Kush i cakton çmimet?

Ju. Çmimet, disponueshmëria dhe kushtet e anullimit i kontrolloni ju, dhe ndryshimet tuaja janë ato që shohin mysafirët.